Wednesday, 11 January 2017

டீ வித் முனியம்மா --சீசன் -2(1)

டேய் மீச ஸ்ராங்கா ஓர் டீ போடுறா..........

வா செல்வம் அயாலு எவ்விடே........

யார்ரா லோகுவா வந்துகினுகிரான் பாரு.........கண்ணுல இன்னா வச்சிகீற...அவனுக்கும் டீ போடு..........மீச நாஸ்தாவுக்கு இட்லி வடகறி கீது?

டேய் மீச மினிம்மா வந்திச்சு...........

அவ்விடே நோக்கு வருன்னு..................

என்ன மினிம்மா.......எங்க ஆளே காணோம்...........

டேய் செல்வம் மினிம்மா.........மினிம்மானு இன்னொரு தபா கூவுன மவனே செவுலு பிஞ்சிடும்..............

அய்ய அதானே உன் பேரு.........

டேய் முனிம்மான்னு கூப்பிடுறா......லுச்சா...........மினிம்மான்னா நம்மள கட்சிக்காரன் ஒரு மாரியா பாக்குறான்.........இப்பொ தமிழ் நாட்டுல அது பேஜாரு பேருடா.............அத்த சொன்னாலே ஜனம் மெர்சலவுது..........

சரி முனியம்மா..........சர்தானே...........தோ பாரு லிங்கம் சாரும் பாயும் வராங்க பாரு..........சட்டு புட்டுன்னு இன்னா நூசு சொல்லு.....

ஐயே உனுக்கு தெரியாதாக்கும்.............அந்தம்மா பூட்ச்சு.........இப்பொ எல்லா பேமானிங்களும் தோட்டதாண்ட போயி "மினி"ம்மா காலுல உயுந்து முதலமைச்சர் ஆவனுன்னு கூவுரானுங்க.

சரி முனிம்மா அவுங்க ஆவட்டுமே இன்ன பூட்ச்சு இப்ப?

அடப்போ லிங்கம் சாரு போங்கா கீதே...........அந்தம்மா இருக்க சொல்ல இது ஊட்ல இன்ன வேலை செஞ்சிகினு இருந்துது.........

ஐய முனிம்மா விசயம் தெரியாம பேசிகினு கீற...........நம்ம நாட்ல யாரு வேணா முதல் மந்திரியோ இல்ல பிரதமரோ இன்னா வேணா ஆவலாம்......

அதெப்படி பாயி அது இன்னா படிச்சிகீது அதுக்கு இன்ன தெரியும்......

அடப்போ முனிம்மா அதுக்கு இன்னாத்துக்கு படிக்கோணும்............தேவல....இதுக்கு முன்னாடி இருந்தவங்கள யாரு படிச்சவக.......கட்சிய நடத்த தெரியோணும்........மவனே எவனாவது கொரலு உட்டா வச்சி செய்யத் தெரியோணும்............அதா அரசியல் இல்ல தமிழ் நாட்டுல சினிமாவுல நடிச்சிருக்கணும்.........

கலீனறு எப்படிகிறாராம்?

இன்னடா லோகு............அவருக்கு வயசாவுது பாரு ஞாபக சக்தி தாராந்து போயினுகீதுன்னு பேசிகீரானுங்க.

அதான் புள்ளைய செயல் தலீவரு ஆக்கிட்டாங்களாங்காட்டியும்.........

ஆமா லிங்கம் சாரு இன்னா போ............அல்லாம் தமாசுதான். அயுவுறாங்க.....காலுல உயுவுறாங்க...........அந்த கச்சி மாறியே ஆவுறாங்க போல.........

இன்ன முனியம்மா நீ பேங்குல போயி நிக்கல...........

டேய் லோகு என் வியாவாரத்துல எதுக்குடா அம்மாம் துட்டு...........இந்த ஜனம் எல்லாம் தேவையோ தேவைல்லையோ அல்லாம் காப்ரா ஆயி அந்த மெசின நோன்டிகினே இருந்தா அது அம்பேலாயிடுது.

அதான முனிம்மா வேட்டி நூறு ரூவாக்கு குடுக்குரானு நைட்லருந்து வரிசையில நிக்குற பேமாநிங்கதான்.............கூவுரானுங்க.

சரி முனிம்மா இன்னா சினிமா நூசு...................

அத ஏண்டா கேக்குற.........போன வருஷம் இருநூறு படம் வந்திச்சாம்.......அதுல பத்துகூட தேரலயாம்............

அது சரி அல்லாம் கதை இல்லாமையே சொம்மா டான்சு..........., ஃபைட்டு......சேட்டு பொண்ணுன்னு..........டாவுன்னு படம் எடுத்தா எங்க உருப்பட போவுது.............

சரியா சொன்னேடா செல்வம்............வர்ட்டா.........

இன்னா முனிம்மா அவ்ளதானா............

டேய்சீ நீ இன்னாத்துக்கு கொரலு கொடுக்குற அல்லாருக்கும் தெரியும்  அஞ்சலையாண்ட போட்டு குடுத்துருவன்............போவியா........



Follow kummachi on Twitter

Post Comment

Monday, 9 January 2017

சொர்க்க வாசல் திறந்திடிச்சு

ணக்கம் நான் உங்கள்  "மந்தி"  டிவியின்  தங்கராஜ் முண்டே............இந்த சிறப்பு நிகழ்ச்சிக்கு உங்களை வரவேற்கிறோம்.

வைகுண்ட ஏகாதசியை முன்னிட்டு சொர்க்கவாசல் திறப்பு நிகழ்ச்சி என்பது இன்றைய கால கட்டத்திலே இன்றிமையாத ஒன்று.....இந்த நிகழ்ச்சியை நம் இப்பொழுது நேரடியாக காணலாம் இதற்காக நமது நிருபர்கள், கேமரா மென் போன்றவர்கள் பல இடங்களில் நின்றுகொண்டு இருக்கிறார்கள். இது போன்ற நிகழ்ச்சியை வேறெந்த தொலைக்காட்சிகளிலும் காணமுடியாது. முதன்முறையாக இதை நேரடி ஒலிபரப்பு செய்வது நமது "மந்தி" தொலைக்காட்சி என்பதில் பெருமை கொள்கிறோம். மேலும் இந்த நிகழ்ச்சியில் நமது நிருபர்கள் ஒரே சமயத்தில் சொர்க்கத்தில் உள்ளவர்களையும் பூமியில் உள்ளவர்களையும் பேட்டி காண்பார்கள். அதே சமயத்தில் இரண்டு இடங்களிலும் கலந்துரையாடல் நிகழ்ச்சிகளும் நடக்க இருக்கின்றன........இனி நிகழ்ச்சிக்கு போகலாமா?

முதலில் சொர்க்க வாசல் முன் நிற்கும் எழில்,..........

முண்டே: எழில் அங்க நிலைமை எப்படி இருக்கு?

எழில்: நிச்சயமா!! ஒரே பரபரப்பா இருக்கு. சொர்க்கவாசல் முன்னாடி நின்னுகிட்டு இருக்கோம், கதவு எப்ப வேண்டுமானாலும் திறக்கப்படலாம். அதற்க்கான மோட்டார் தயார் நிலைமையில் இருக்கிறதா கிங்கரர்கள் சொல்கிறார்கள்.

முண்டே: கிங்கரர்களா அவர்கள் யாருன்னு கொஞ்சம் சொல்லமுடியுமா?

எழில்: நிச்சயமா!! அவர்கள்தான் இங்கு வாட்ச்மேன்கள்......தினமும் காலையில் வேலைக்கு வந்து விடுவார்களாம்..........இந்த கதவருகே நிற்பதுதான் அவர்கள் வேலை.

முண்டே: அவர்களிடம் பேசலாமா?

எழில்: நிச்சயமா!! கிங்கரர் உங்க வேலை என்ன சொல்லுங்க....

கிங்கரர்: தெனைக்கும் வந்து கதவாண்ட நின்னுகினு இருப்போம்... மேலிடத்தில எப்போ தொறன்னு சொன்னாலும் தொறப்போம்...ஆனா வருசத்துக்கு ஒரு தபா தான் தொறக்க சொல்லுவாங்க.

முண்டே: எழில் இணைப்பிலேயே இருங்க........கொயஸ் தோட்டத்து வாசலில் நமது நிருபர் தேன்மொழி இருக்காங்க அவங்க கிட்ட பேசுவோம்........தேன்மொழி நீங்க எங்க இருக்கீங்க அங்கே என்ன நெலமை?

தேன்மொழி: நிச்சயமா? இங்கே ஒரு மக்கல் வெல்லமா இருக்கு..அவர்கலிள் நிறைய பிரபலங்கலும் இறுகாங்க..........எல்லோரும் இங்கே இருந்து சொர்க்கவாசள்...............திறக்க காத்திருக்காங்க............

முண்டே: தேன்மொழி பிரபலங்கள் சொன்னீங்க யாரு யாரு இருக்காங்க?

தேன்மொழி: நிச்சயமா!!  மதிற்பிற்குரிய கம்பினுரை இருக்காரு, கலர்வதி இருக்காங்க, சிதைகுமார் இருக்காரு.............மற்றும் எல்லோரும் கரை வேட்டிக்கட்டிக்கிட்டு காத்திக்கிட்டு இருக்காக............

முண்டே: தேன்மொழி அங்கே என்ன நடக்குது?

தேன்மொழி: நிச்சயமா?!!! எல்லோரும் இங்கே கொயஸ் தோட்டத்து கதவு களற்றி வச்சிருக்கிறதால எல்லாம் கம்பி தடுப்புக்கு முன்னால நின்னுகிட்டு இருக்காங்க.........

முண்டே:கதவ கழ்ட்டிட்டான்களா? அது எப்போ அதை பற்றி ஏதாவது தகவல் உண்டா?

தேன்மொழி: நிச்சயமா!!இதுக்கு முன்னாடி இந்த கதவ எப்பவாவது தொரப்பான்கலாம் ஆனா இப்பொ அடிக்கடி அரசியல் பிரமுகர்கல் குனிஞ்சுகிட்டே வரதால அவுக  முதுகு பட்டு கதவு பெயிண்ட் அடிக்கடி போகுதுன்னு தங்கத்தாரகை மினிம்மா கழட்டி வக்க சொல்லிட்டாங்களாம்.......அப்படின்னு இங்க இருக்கிற பக்கத்து வீட்டு வாட்ச்மேன் சொள்றார்....

முண்டே: சரி அங்கே எதுக்கு எல்லோரும் காத்திருக்காங்க?

தேன்மொழி: நிச்சயமா!!எல்லோரும் மினிம்மா வர காத்திருக்காங்க...........

முண்டே: அவங்க எப்ப வருவாங்க ஏதாவது தகவல் உண்டா?

தேன்மொழி: நிச்சயமா!! அவங்க இப்போதான் புதிய கெட் அப்  போட்டிட்டு இருக்காகளாம்..........இதோ வந்துருவாங்க............

முண்டே: புதிய கெட்டப்பா அதை பற்றி ஏதாவது தகவல் உண்டா தேன்மொழி..

தேன்மொழி: நிச்சயமா!!! அதாவது முப்பது வருஷமா மேக்சிமா கூடவே இருந்ததால அதே மாதிரி கெட்டப் போடனுன்னு ஆடலரசன் சொன்னாராம்?

முண்டே: அதெல்லாம் எப்ப தைக்க குடுத்தாங்களாம் ஏதாவது தகவல் உண்டா?

தேன்மொழி: நிச்சயமா!! அவங்க உதவியாளர இதை பற்றி கேட்கிறேன்......ஏங்க மினிம்மா இந்த டிரஸ் எல்லாம் எப்ப தைக்க கொடுத்தாங்க எதாவது தகவல் உண்டா?

உதவியாளர்: அன்னிக்கு "மேக்சிமா" மயக்கம் போட்டாங்க இல்ல அப்ப இங்கே ஒரே பதட்டமாச்சி.............உடனே அப்போல்லோக்கு போன் போட்டாங்க.......அப்புறம் டைலர் வந்தாரு............அவருகிட்ட அளவெல்லாம் கொடுத்துட்டுதான் அப்போல்லோவுக்கே போனாங்க.........

தேன்மொழி: வந்துட்டாங்க........வந்துட்டாங்க...........மினிம்மா.....இதோ கம்பினுரை போறாரு............தவந்துகிட்டே போறததான் நீங்க பாத்துகிட்டு இருக்கீங்க.............அவரு மினிமா கிட்டே பேசுறாரு...........மைக்க முன்னாடி வக்கிறேன்...........மினிம்மா மினிம்ம நீதான் இனிமே எல்லாம்.............எங்களை எல்லாம் காப்பாத்து மினி தாயே...............அண்ணாவிற்குப் பிறகு தம்பி...........அக்காவிற்கு பிறகு தங்கை................மனைவிக்கு பிறகு துணைவி ............அடுப்புக்கு பிறகு தொடுப்பு...........மினிம்மா நீங்கதான் இனி எல்லாம்........"மேக்சி" பிறகு "மினி" தானே.............

அடுத்து கலர்மதி அழுதுகிட்டே போறாங்க.........மினிம்மா உங்க குரல் இனிமைம்மா..........நீ தான அந்த குயில்..........நீ கண்டி அப்ரோவர் ஆயிருந்த ங்கொயால ஆட்சியையும் இருந்திருக்காது மேக்சிம்மாவும் இருந்திருக்காது........த்தா எந்நன்றி கொண்டார்க்கும் ..மமாள உய்வுண்டாம் பேமானி கண்ட ங்கொய்யால...............சினிமாவுல செல்லாகாசுதானே அந்தம்மா...........நீதான் மினிம்மா இனி அல்லாம்...........

ஆடி அம்பட் இதோ பேசுகிறார்......வான்கோழி மயிலாகலாம்.........தவிடு .........நெல்லாகலாம்............பரோட்டா...........குருமா ஆகலாம்.........சைகோ ஒரு துரோகி..........யானை நடந்தா ............எறும்புகள் மடியத்தான் செய்யும்...

முண்டே: தேன்மொழி இணைப்பில் இருங்க..........எழில் விண்ணுலகிலிருந்து அழைக்கிராறு..........சொர்க்க வாசல் திறந்துட்டாங்களாம். எழில் அங்கே என்ன நடக்குது?

எழில்: நிச்சயமா!!! சொர்க்க வாசல் திறந்து ஐந்து நிமிடம் ஆகிறது........நீங்கள் கொயஸ் தோட்ட நேரலையில் இருந்தததால் அந்நிகழ்வை காண முடியவில்லை.

முண்டே; சரி சொர்க்கவசால் திறந்துட்டாங்க யாராவது தெரிகிறார்களா?

எழில்: நிச்சயமா!!! ஒருத்தரு கையில் சங்குசக்கரம், சங்கு தலையில் கிரீடம் எல்லாம் போட்டுக்கிட்டு பட்டாடை உடுத்தி நடுநாயகமா மேடையில் இருப்பதை நம்மால் பார்க்கமுடிகிறது...........அவர் முன்பு நிறைய  பேர் உட்கார்ந்திருக்கிறார்கள் சில முகங்கள் நமக்கு பரிச்சயப்பட்ட முகங்கள் போல் இருப்பதை நம்மால் பார்க்க முடிகிறது..........முண்டே........

முண்டே: எழில் அவங்க யாருன்னு உங்களுக்கு அடையாளம் தெரிகிறதா?

எழில்: நிச்சயமா? மேக்சிமா இருக்காங்க............அவங்ககூட வழுக்கைதலையோட ஒருத்தரு பேசிகிட்டு இருக்காங்க.........முண்டே.......

முண்டே: கேமரா மென் கிட்டே சொல்லி அவங்க கிட்ட ஜூம் பண்ண சொல்லுங்க.......அவங்களையே தெய்வமா வணங்கின கூட்டம் இப்பொ கொயஸ் தொட்டதுலதான் கூடியிருக்கு........அவங்க ஆனந்தப்படுவாங்க...........

எழில்: நிச்சயமா!!இப்பொ பாருங்க அவங்க முகம் தெளிவா தெரியுது..........

முண்டே:  தேன்மொழி சொர்க்கவாசல் திறந்துட்டதா அங்கே இருந்து எழில் சொன்னாரு....

தேன்மொழி: நிச்சயமா!! எங்களுக்கு தெரிகிறது..........மேக்சிமா கூட தெரியிறாங்க...........

முண்டே: அங்கே நிலைமை எப்படி இருக்கு?

தேன்மொழி: நிச்சயமா!!இன் எல்லோரும் மினிம்மா காரு டயர நக்கிட்டு இருக்காங்க............

முண்டே:அங்கே யாரும் சொர்க்க வாசல் நிகழ்ச்சியை பார்க்கவில்லை போல் தோன்றுகிறது என்ன காரணம் என்று நினைக்கிறீர்கள் தேன்மொழி?

தேன்மொழி: நிச்சயமா!! அவங்க எல்லோரும் குனிந்து இருப்பதால அவங்களுக்கு சொர்க்க வாசல் திறப்போ இல்லை அங்கே அவர்கள் இதற்க்கு முன்னால் குனிந்து வணங்கிய மேக்சிமாவையோ பார்க்கமுடியவில்லை என்பதை நம்மால் காணமுடிகிறது........

முண்டே: தேன்மொழி திடீரென்று அங்கு என்ன கலவரம்........

தேன்மொழி: நிச்சயமா!!! இங்கு ஒருவர மண்டை திறந்திருக்கிறது...........அவரை ஒரு இருபது பேரு சேர்ந்து அடித்திருக்கிறார்கல்........

முண்டே: ஏன் அடிச்சாங்க ஏதாவது காரணம் தெரியுமா?

தேன்மொழி: நிச்சயமா!! இதோ அவருகிட்டேய கேட்போம் அவரு பேச ரொம்ப கஷ்டப்படுறாரு............ஏதோ சொள்றாரு அதை கேட்டு சொள்ரன்.....

முண்டே: கேட்டு சொல்லுங்க...........சத்தமா சொல்லுங்க.....

தேன்மொழி: அவரு மட்டும்தான் இந்தக்கூட்டத்தில் சொர்க்கவாசல் திறப்ப பார்த்தவராம்..........அவரு ஏதோ பழைய விசுவாசத்தில மாண்புமிகு ..........தலீவி மேக்சிமானு சத்தமா சொல்லிட்டாராம்..........

முண்டே: என்ன சொன்னாரு? கொஞ்சம் சத்தமா சொல்லுங்க நேயர்களுக்கு கேட்கணும் இல்ல..........

தேன்மொழி: சத்தமாக மேக்சிமா என்று சொல்ல.............படுத்திருந்த கூட்டம் அவர நோக்கி ..................ஏய் எவடி அவ..........ஓடரா மைக்க..........புடுங்குடா கேமராவா...........

தேன்மொழி: நன்றி உங்கலிடமிருந்து விடை பெறுவது கேமரா மென் குரலசரனுடன் .......தேன்மொலி..............

முண்டே: இதுவரை சொர்க்க வாசல் நிகழ்ச்சியை நேரில் பார்த்தீர்கள்...........இந்த நிகழ்ச்சியை முதலில் காண்பித்தது எங்கள் மந்தி டிவி என்று மற்றுமொரு முறை கூறிக்கொண்டு உங்களிடமிருந்து விடைபெறுவது தங்கராஜ் முண்டே........

சொர்க்கத்திலிருந்து.........சார் முண்டே சார்............நான் எழில்...........நான் எழில்...........என்று கதறிக் கொண்டிருக்கும் போடதே திரை ஃபேட் அவுட்டாகிறது.........

Follow kummachi on Twitter

Post Comment

Sunday, 8 January 2017

வள(ர்)ராதமதி

போயஸ் தோட்டத்து வாசலில் சுற்றும் சொறி ..ய்களுக்கு எல்லாம் இப்பொழுது நல்ல காலம் போல் இருக்கிறது.

அம்மா வேஷம் கட்டி அலையும் "ஆயாவிற்கு" இப்பொழுது மௌசு. கூட இருந்து சொம்படிக்கும் அல்லக்கைகளுக்கு இது நல்ல நேரம். ஜெவை அடக்கம் செய்தவுடன் பாலூத்தினாங்களோ இல்லையோ சொம்பை எடுத்துக்கொண்டு போயஸ் தோட்டம் சென்று மினிம்மாவிற்கு ஊத்த ஆரம்பித்துவிட்டார்கள்.

அந்த விசுவாசாத்திற்கு கிடைத்த முதல் ரொட்டித்துண்டு வளர்மதிக்கு, தமிழ்நாடு பாட நூல் கழகம் மற்றும் கல்வி சேவைகள் கழகம்  தலைவர் பதவி.  தம்பிதுரை, ஒ.பி.எஸ், மட்டும் இதர அல்லக்கைகள் கைகட்டி  வாய்பொத்தி அம்மா நீங்க வரணும்மா என்று கதறிய பொழுது பின்னால் நின்ற வளராதமதிக்கு ஒரு பதவி.

இதனால் என்ன சொல்கிறது ஆயா கோஷ்டி "விசுவாசம் விசுவாசம்" அதை எங்களிடம் காண்பித்தால் பதவி தேடி வரும், இல்லையென்றால் சம்பாதிக்க  வழி இல்லை.  எதிர்த்தால் புஷ்பா புருஷன் கதிதான்.

இப்பொழுது ஏன் வெள்ளையும் சொள்ளையுமா ஒரு கூட்டம் அங்கே நிற்கிறானுங்கன்னு புரியுது. அங்கே நின்னால் மட்டும் போறாது அம்மா நீங்க வர்னும்மானு கண்ணீர் விட்டு அழனும். சரி விடுங்க நம்ம சொர்ணாக்கா விஷயத்திற்கு வருவோம். இந்த வளர்மதியும் கோகுல இந்திராவும்தான் ஜெ ஜெயிலுக்கு சென்ற பொழுது வாயிலும் வயிற்றிலும் அடித்துக்கொண்டு அழுதார்கள். ஆனால் இவர்கள் போட்ட ஆட்டத்தில் ஜெ இந்த தேர்தலில் சரியான தொகுதிகளைக் கொடுத்து வச்சி செஞ்சுட்டாங்க.

ஆட்டையை போட்ட கையாச்சே சும்மா இருக்குமா? அதான் ஜெ இருந்த வரைக்கும் கம்முன்னு இருந்துவிட்டு இப்பொழுது கை அரிக்க ஆரம்பித்தவுடன் மினிம்மா பின்னாடி சுத்துது.

சொர்ணா அக்காவிற்கும் கல்விக்கும் என்ன சம்பந்தமுன்னு கப்பிதனமா கேள்வியெல்லாம் கேட்காம அடுத்த தேர்தலில் காசு வாங்கி யாருக்கு ஒட்டு போடுவதுன்னு யோசிக்கிறான் தமிழன்.

Follow kummachi on Twitter

Post Comment

Wednesday, 4 January 2017

கலக்கல் காக்டெயில் -176

"மினி"ம்மா நாடகங்கள் 

டிசம்பர் ஆறாம் தேதிக்குப் பிறகு தமிழ் நாட்டு அரசியலில் புதுபுது நாடகங்கள் நாளொருமேனி பொழுதொரு வண்ணமுமாக அரங்கேறிக்கொண்டிருக்கின்றன.

கட்சியைத தோற்றுவித்தவர் இறந்த பொழுது சட்டசபையில் குடுமிப்பிடி சண்டையிட்டு கட்சி இரண்டாகி இலையை தொலைத்து சேவல் புறா எல்லாம் அடித்து 14 ஆண்டு காலம் வனவாசம் இருந்தவரை அரியணை ஏற்றினார்கள்.

இந்த முறை கட்சியைக் காத்தவர் நிரந்தரமாக உறங்கிவிட்டார், இப்பொழுது கட்சியையும் ஆட்சியையும் பிடிக்க ஒரு கொள்ளைக்கூட்டம் காத்திருக்கிறது. முதலில் கட்சியை பிடிக்க முதல் கட்ட காட்சிகள் அரங்கேறின. இனி ஆட்சியை பிடிக்க அடிமைகள் அன்றாடம் தோட்டத்திற்கு வரவழைக்கப்பட்டு காலில் விழுந்து கதற வைக்கப்படுகின்றனர்.

அவங்களுக்கு இஷ்டம் இல்லையாமா...........ஏதோ இவங்க அழுவுறதுனால ஏத்துக்கப்போறாங்களாமா............

மினிம்மாவை பொம்மையாக்கி ஆட்டுவிக்க பின்னால் ஒரு கூட்டம் காத்திருக்கிறது.

ஆட்டுவித்தால் ஆடுகிற ஆள் மாதிரியும் மினிம்மாவை தெரியவில்லை..........இன்னும் நான்கரை ஆண்டுகளில் என்ன என்ன நடக்கப் போகிறதோ?.............

வருமான வரி சோதனைகள் சொல்வதென்ன? 

ருமான வரி  அதிகாரிகள் சில நாட்களாக தமிழ்நாட்டில் டேரா போட்டு ரவுண்டு கட்டி அடித்துக்கொண்டிருக்கிறார்கள். பொதுப்பணித்துறை காண்டிராக்ட்டர் முதலில் சிக்கினார். அவரை தொடர்ந்து தலைமை செயலர் என்று சம்பந்தப்பட்டவர்கள் அனைவரையும் வளைத்தது வருமான வரித்துறை. இதற்கெல்லாம் அரசியல் சாயம் பூசப்பட்டாலும் பிடிபட்ட தொகையும் தங்கமும் பிரமிக்க வைக்கிறது. என்னதான் வழக்கு வாய்தா என்று இவர்கள் இழுத்தடித்து ஜாமீனில்வெளியே இருந்து சேர்த்துவைத்த துட்டை அனுபவித்தாலும் போகும்பொழுது என்னமோ கொண்டு செல்லப் போவதில்லை.

எல்லோரையும் தன் கால்களில் விழவைத்தவர் தான் கால்களைக்கூட கொண்டு செல்லவில்லை என்ற பஞ்சாயத்து இன்னும் நடந்து கொண்டிருக்கிறது.

ரசித்த கவிதை 


அந்தக் கூட்டத்தில்
யாரும் யாரைவிடவும்
கீழோ மேலோ இல்லை

மிகை நடிப்பில்
மிருதுவாகக் காட்டிக்கொள்வதில்
ஒப்பனையில்
ஒப்பாரிவைப்பதில்
யாரும் யாருக்கும்
கூடுதலோ குறைவோ
இல்லை

ஒரு பொருளை
ஒரு பதவியைப்
பறிப்பதிலும்
பங்கிட்டுக் கொள்வதிலும்கூட
சமமாகவே இருக்கிறார்கள்
சகலரும்

பாதத்தில் கிடக்க
பாவம்போல் நடக்க
சொன்னதைச் செய்ய
சூழலுக்கேற்ப ஒத்தூத
பழகியிருக்கிறார்கள்
ஒருவரைப்போலவே
இன்னொருவரும்

இப்போதுள்ள சிக்கல்
ஒரே மாதிரியானவர்களில்
ஒருவரைத் தேர்ந்தெடுப்பது
காத்திருப்போம்.........
எல்லோரும்  சேர்ந்து
யாரோ ஒருவரைத்
தள்ளத்தானே போகிறார்கள்
குழியில்

அல்லது

எல்லோரும் சேர்ந்து
ஒருவரைத் தள்ள
பறித்துகொண்டிருக்கிறார்கள்
குழியை..

நன்றி: யுகபாரதி


தமிழ் சினிமா 


சமீபத்தில் வந்த தமிழ் நடிகைகளில் ஐஸ்வர்யா ராஜேஷ் தனித்து நிற்கிறார். ஐந்து வருடங்களுக்கு முன்பு "அவர்களும் இவர்களும்" படத்தில்அறிமுகமாகி கிட்டத்தட்ட 27 படங்களில் நடித்துள்ளார்.  அடுத்து இரண்டு மூன்று படங்களில் நடித்தப் பிறகு "அட்டக்கத்தி" படத்தின் மூலம் பிரபலாமானார். பின்பு ரம்மி, காக்கமுட்டை படங்களில் இவருடைய திறமை பாராட்டப்பட்டது, சொந்தக்குரலில் தமிழ் பேசி நடிக்கும் ஒரு நல்ல நடிகை. சன் தொலைக்கட்சியில் அசத்தப்போவது  யாரு நிகழ்ச்சி தொகுப்பாளினியாகத் தொடங்கி திரைத்துறையில்  நுழைந்து நல்ல முன்னேற்றம். தமிழ் திரையுலகில்  கவனிக்கப்பட வேண்டியவர்.



Follow kummachi on Twitter

Post Comment

Tuesday, 3 January 2017

நெட்டிசன்களும், வாட்சப் அலப்பறைகளும் மற்றும் ட்விட்டர் டுபாகூர்களும்

ன்றைக்கு பிறந்த குழந்தை முதல் பல்லு வைத்த (போன) கிழங்கள் வரையில் வாட்சப் தெரியாத ஆளில்லை. இதற்கு ஸ்மார்ட் போன் இன்றியமையாதது என்று தெரிந்த சாம்சங்குகளும், ஹெச்டிசி களும் சந்தையில் சல்லிசாக அள்ளிவிட்டுருகிறார்கள். ஆதலால் அடுத்த வேளைக்கு சோறு இருக்கோ இல்லையோ எல்லோரிடமும் மேற்படி ஐட்டம் உண்டு. இதில் கொடுமை என்னவென்றால் இந்த வாட்சப் தொல்லை விடாமல் நம்மை விரட்டி அடிக்கும், காலையில் எழுந்தவுடன் காபி என்ற காலம் போய்  இப்பொழுது விழிப்பதே வாட்சப் முகத்தில்தான்.

எல்லோரும் ஒரு இருபது இருப்பத்தைந்து குழுக்களிலாவது சேர்த்துவிடப்பட்டிருப்பார்கள், கவனிக்க!! சேர்ந்த இல்லை, சேர்த்துவிட. முதலில் நல்லபடியாகத்தான் தொடங்கும், நான் நலம், நீ நலமா, அம்மா எப்படி ஆட்டுக்குட்டி எப்படி என்று தொடங்கும். இதில் ஒன்றும் பிரச்சினை இல்லை. பிறகுதான் இருக்கிறது.

இந்த வாங்கிப்போட (forward) ஒரு கூட்டம் இருக்கிறது, இவர்கள் வேலை ஒரு குழுவிலிருந்து வரும் தகவலை அப்படியே அடுத்த குழுவிற்கு தள்ளிவிடுவது. இவர்கள் பெரும்பாலும் அந்த தகவலை படிக்கமாட்டார்கள்.  இந்த வருடம் பிப்ரவரி மாதம் ஒவ்வொரு கிழமையும் நான்குமுறை வரும் இதுபோல் இனி 823 ஆண்டுகள் கழித்துதான் வரும் இதற்கு பெயர் பணப்பை (Moneybag) இந்த தகவலை நீங்கள் வாங்கி எட்டு குழுவிற்கு அனுப்பினால் உங்களுக்கு பணம் கொட்டோகொட்டு என்று கொட்டும் (எச்சரிக்கை: வருவாய்த்துறை ரெய்டு வர வாய்ப்புண்டு) என்று அடித்துவிடுவார்கள். இவர்கள் பெரும்பாலும் படித்த அறிவுஜீவிகளாக இருப்பார்கள். தகவலை சரிபார்க்கவே மாட்டார்கள், அடேய் சிப்சு வருடா வருடம் லீப் வருடம் தவிர இப்படிதான் வருமென்று சொல்ல தோன்றும் சபை நாகரீகம் கருதி கம்மென்று இருக்கவேண்டும். பிறகு இரண்டு மாதங்களுக்கு ஒருமுறை நம்நாட்டு தேசியகீதம்தான் உலகில் சிறந்தது என்று யுனெஸ்கோ நிறுவனம் சற்றுமுன் அறிவித்துள்ளது என்று தங்களது தேசபக்தியை மெச்சி சொரிந்துகொள்(ல்)வார்கள்.

இது இப்படி இருக்க பருவமழை காலத்தில் மற்றுமொரு புயல் சென்னையை நோக்கி வந்து கொண்டிருக்கிறது, கிட்டத்தட்ட நாலாயிரம் சென்டிமீட்டர் மழை பெய்ய வாய்ப்புள்ளதாக நாசா அறிவுத்துள்ளது. (அடேய் ஏன் டொமேட்டோ நாசா எங்கேடா நடுவில் வந்தது என்று நடு மண்டையில் போட தோன்றும்) ஆதலால்  எல்லோரும் உடனடியாக சென்னையை விட்டு வெளியேறுங்கள். இதற்காக கோயம்பேட்டில் கோடி கோடியாக பேருந்துகள் தயார் நிலையில் இருக்கின்றன என்று பெரிசு நெஞ்சுகளில் புளியை கரைப்பார்கள். இதை மறக்காமல் அடுத்த வருடமும் போடுவார்கள்.

பிறகு மீம்ஸ், இதையம் சலிக்காமல் வாங்கிப்போட்டுக்கொண்டு இருப்பார்கள். இதில் தேவர்மகன் ஸ்டில் கட்டாயம் உண்டு, எந்த சூழ்நிலையிலும் சும்மா நச்சென்று உட்காரும், இதைதவிர அங்கே ஒரு கவுண்டர் இங்கே ஒரு வடிவேலும் என்று கலை!! கட்டி அடிக்கும்.

அடுத்தது ட்விட்டர் இங்கு பெரும்பாலும் கடலை வியாபாரமும் அணில் ஆமை சண்டைகளும் நடக்கும், சண்டை என்றால் இந்தியா பாகிஸ்தான் சண்டையல்ல. இது அதைவிட மோசம். இந்த அணில் குஞ்சுகளும் ஆமை குஞ்சுகளும் சகட்டுமேனிக்கு திட்டிக்கொள்வார்கள். உலகில் உள்ள அத்துனை கெட்டவார்த்தைகளையும் புழுத்த நாய் குறுக்கே போக முடியாதபடி பிரயோகிப்பார்கள். இதில் சில பிரபலங்களும் சேர்ந்துகொண்டு அவர்களும் தங்கள் பங்கிற்கு இன்னும் கேவலமாக திட்டி திரும்ப வாங்கிக்கட்டி சிலநாள் காணாமல் போவார்கள். இங்கு ஒரே ஒரு நகைச்சுவை விஷயம் இந்த டப்ஸ்மேஷ்கள். அங்கங்கு சில நல்ல முகங்கள் தென்படும்.


மற்றுமொரு கலக்கல் இடம் மூஞ்சிபுத்தகம் அவனவன் ஸ்டேட்டஸ் போட்டு கொல்வான்............காலையில மணி ஒரு ஆறிருக்கும், பொண்டாட்டி குளிச்சிட்டு வந்து தலை நிறைய மல்லிகைப்போவோட என்ன உசுப்பினா...........நான் காபி குடிச்சிட்டு கக்கா போனேன் ....என்று படம் வரைந்து பாகங்கள குறிப்பானுங்க.

இங்கயே இன்னுமொரு கூட்டம் மோடிய செல்லாக்காசு என்று போட்டு தாளித்து எவனாவது மோடியின் செயலில் சில நன்மை.... என்று ஆரம்பித்தால் அவனை "தேஷ்பக்தாஸ்" என்று கெட்டவார்த்தையில் திட்டுவது போல நினைத்து இறுமாந்து போவாவர்கள்.

 எது எப்படியோ இந்த சமூக வலை தளங்கள் பார்க்கமுடியவில்லை  என்றால் டாஸ்மாக் மூடிய குடிமகன் நிலைபோல் இன்று தனிமனிதன் தவிப்பது காலம் செய்த கோலம்.


கும்மாச்சி 

Follow kummachi on Twitter

Post Comment